શું વાત કરો છો?

“ જુઓ ભાઈ આ દ્રષ્ટિકોણની અને તર્કની વાત છે ધારો કે આ એક દરવાજો અડધો બંધ છે એનો અર્થ એ છે કે તે અડધો ખુલ્લો છે.. ” “ અચ્છા તો તમારા તર્ક મુજબ જો આ દરવાજો આખો બંધ હોય તો એને આખો ખુલ્લો કહેવાય નહીં ….” ચીડ આવ છે ને આવો સંવાદ વાંચીને... પણ આપણા રોજ બરોજના જીવનમાં આવા તર્ક વિહોણા વિતર્ક અને કુતર્ક કરતા અનેક માથાઓ આપણને ભટકાય છે અને આપણે તેમને બે ખેંચીને તામાચા મારવાની તીવ્ર ઇચ્છાને સમાજની શરમે વ્યવહારમાં દબાવીને મારી નાખવી પડે છે. કોઈને કહો કે ભાઈ આ કચરો આમ રોડ ઉપર ના નાંખો , અહીં પિચકારીના મારોને..ગંદકી ના કરો.. એટલે પોતે કોઈ મોટી સલ્તનતનો શહેનશાહ હોઈ એમ ડીંગાઈ હાંકતા સામે જવાબ આપે … કેમ તારા ઘરમાં કરું છું ?? , હા ભાઈ તું જ નવાઈનો સ્વચ્છતા પ્રેમી , મોદીને કહે તને સ્વચ્છ ભારતનો બ્રાંડ એમ્બેસડર બનાવે..મારા એકલાથી શું થવાનું છે ? .. કામ કર તારું.. એક તો પોતે ભૂલ કરે , ઉપરથી કોઈ ભૂલ ઉપર ધ્યાન દોરે તો પોતાની અજ્ઞાનતાની પરાકાષ્ઠાએ પહોંચી તેનું જ અપમાન કરે.. મારા એક મુસ્લિમ મિત્રને હું શાકાહારી કેમ છું એમ સમજાવી રહ્યો હતો..મેં થોડીક તર્ક વાળી વાતો કરી કે ભ...